NİGAR RƏFİBƏYLİ
(1913-1981)
Rəfibəyli Nigar Xııdadat
qızı – şairə, tərcüməçi,
1934-cü ildən Yazıçılar İttifaqının
üzvü, Azərbaycanın Əməkdar mədəniyyət
işçişi (1967), Azərbaycanın xalq şairi
(1981).
1913-cü il iyunun 23-də Gəncə
şəhərində cərrah-həkim ailəsində
anadan olmuşdur. İbtidai təhsilini Gəncədə
almış, sonra Bakı pedaqoji texnikumunu bitirmişdir
(1930).
Əmək fəaliyyətinə müəllimliklə
başlamış, həm də bədii yaradıcılıqla
məşğul olmuşdur. Bakı kinostudiyasında
ssenari şöbəsində, eyni zamanda, fəhlə-gənclər
məktəbində işləmişdir (1930-1932).
Onun ilk şerləri də bu vaxtlar dövri mətbuatda
çap olunur. 1931-ci ilin dekabrından Azərnəşrdə
bədii ədəbiyyat şöbəsində tərcüməçi
və redaktor kimi fəaliyyətə başlayır.
Moskvada pedaqoji institutda təhsilini davam etdirir (1932-1936).
Orada təhsil alarkən Bakıda ilk şerlər
məcmuəsi çapdan çıxır (1934). Uşaqgəncnəşrdə
bədii ədəbiyyat şöbəsində redaktor
işləyir (1937-1939).
1940-cı ildən ömrünün sonunadək
bütün qüvvəsini yaradıcılıq
işinə həsr edir. Qardaş xalqlar ədəbiyyatından
(Nəvai, Şiller, Puşkin, Lermontov, Çexov,
Şevçenko, Voyniç və b.) bədii tərcümələr
etməklə milli mədəniyyət xəzinəmizi
zənginləşdirir. Xidmətlərinə görə
«Şərəf nişanı» ordeni və medallarla
təltif olunmuşdur. 1981-ci il iyulun 9-da Bakıda
vəfat etmişdir.
