RƏSUL
RZA
NİGAR RƏFİBƏYLİ
( foto- kitab)
|
Yazıçı Rəsul
Rzaya (R.İ.Rzayevə)
Sosialist Əməyi Qəhrəmanı
adı verilməsi haqqında
SSRİ ALİ SOVETİ
RƏYASƏT HEYƏTİNİN
1980-cı il 16 may tarixli
F Ə R M A N I |
Sovet ədəbiyyatının
inkişafında böyük xidmətlərinə,
səmərəli ictimai fəaliyyətinə görə
və anadan olmasının yetmiş
illiyi ilə əlaqədar olaraq yazıçı
Rəsul Rzaya (Rəsul İbrahim oğlu Rzayevə)
Lenin ordeni və “Oraq və çəkic”
qızıl medalı təqdim edilməklə Sosialist
Əməyi Qəhrəmanı adı verilsin.
Heydər Əliyev Rəsul Rzaya Sosialist Əməyi
Qəhrəmanı ulduzunu təqdim edir. 1980
Rəsul Rza Azərbaycan Sovet ədəbiyyatının
görkəmli nümayəndələrindən
biridir. O, gözəl şairlərimiz Səməd
Vurğun və Süleyman Rüstəmlə birlikdə
Azərbaycan Sovet poeziyasının banilərindən
biri hesab olunur.
30-cu illərin əvvəllərində
yaradıcılıq fəaliyyətinə başlayan
Rəsul Rza yarım əsr ərzində Azərbaycan
ədəbiyyatının, Azərbaycan şer sənətinin
inkişafına böyük təsir göstərmişdir.
O, bir çox əsərləri – poemaları,
şerləri, publisistik məqalələri, pyesləri
və ümumi ədəbi yaradıcılığı
ilə Azərbaycan ədəbiyyatını, Azərbaycan
şer sənətini çox zənginləşdirmişdir.
Rəsul Rzanın yaradıcılığında
həm Azərbaycanın tarixi, həm də yeni
sosialist həyatı, sovet quruculuğu illərində
respublika zəhmətkeşlərinin fəal işi
ətraflı və yüksək bədii səviyyədə
əks olunmuşdur. Ölkəmiz üçün
çətin dövr olan Böyük Vətən
müharibəsi illərində Rəsul Rza öz
yaradıcılığı ilə, vətənpərvərlik
hissləri ilə, zəngin olan şerləri ilə
Azərbaycanın oğul və qızlarını
vətənin müdafiəsinə səfərbər
edirdi.
Rəsul Rza yaradıcılığının
səciyyəvi xüsusiyyəti ondan ibarətdir
ki, dünya ədəbiyyatının, inqilabi rus
poeziyasının ən yaxşı nümunələrinin
təsiri altında, böyük Mayakovskinin poetik
irsinin səmərəli təsiri altında o, zəngin
milli ədəbi ənənələrdən istifadə
edərək, Azərbaycan poeziyasında bir novator
kimi çıxış etmiş, Azərbaycan poeziyasını
yeni bədii ifadə vasitələri ilə, yeni
şer formaları ilə zənginləşdirmişdir.
“Lenin” poeması Rəsul Rzanın bədii
yaradıcılığının zirvəsidir...
...Rəsul Rzanın bədii yaradıcılığı
respublikamızda hamı tərəfindən sevilmiş,
ona hüsn- rəğbət və hörmət,
ölkəmizdə və xaricdə ona böyük
şöhrət qazandırmışdır.
Heydər Əliyev
(Rəsul Rzaya Sosialist Əməyi Qəhrəmanı
fəxri adı verilməsi münasibəti ilə
söylədiyi nitqdən)
